Smáskilaboð frá Bandaríkjastjórn beint í farsímann? Nei takk!

Bandaríkjastjórn hefur tekið nýja tækni í þjónustu sína með því að trufla samskipti, nota internetið og aðra miðla fyrir áróðursstarfsemi og afskipti af innanríkismálum á Kúbu. Síðastliðið haust tók fyrirtækið Washington Software í Maryland að sér að setja upp kerfi fyrir ríkisfé, sem getur sent 24.000 smáskilaboð Bandaríkjastjórnar á viku hverri beint í alla farsíma á Kúbu.

Fjandsamleg afstaða Bandaríkjastjórnar og annarra heimsvaldaríkja, þ.á.m. Íslands, stafar hvorki af  óskynsemi né skammtíma hagsmunum að ekki sé minnst á ímynduð áhrif hægrisinnaðra Kúbana á Miami. Afstaðan grundvallast á heildarhagsmunum ráðastéttar sem hefur einsett sér að refsa verkafólki og bændum á Kúbu fyrir þá bíræfni að taka völdin í landi sínu og gera sósíalíska byltingu. Þar missti hún spón úr aski sínum og hún óttast fordæmið.

Það er ekki náttúrulögmál að lítill minnihluti í heiminum viti ekki aura sinna tal og bróðurparturinn hafi ekki til hnífs og skeiðar, ekki lágmarks heilsugæslu, fábrotin tækifæri og almennt léleg lífsgæði. Þessu er hægt að breyta. Þess vegna hefur Bandaríkjastjórn lagt áherslu á  að hindra þróun byltingarinnar á Kúbu, hefta viðskipti og samskipti, fjármagna hryðjuverk, segja ósatt og bera út óhróður sem fjölmiðlar annarra landa endurvarpa. Ráðastéttir gráta krókódílatárum vegna mannréttinda í áróðurskyni.

Seint á síðasta ári samþykkti Allsherjarþing Sameinuðu þjóðanna í 20. sinn að fordæma viðskiptabann Bandaríkjanna á Kúbu, aðeins Ísrael greiddi atkvæði gegn tillögunni auk Bandaríkjanna. Þrjú smáríki sátu hjá (Micronesia, Palau og Marshall-eyjar). Á árum áður sat Ísland hjá við þessar atkvæðagreiðslur m.a.í utanríkisráðherratíð Jóns Baldvins.

Það var ríkisstjórn John F. Kennedy sem fyrst bannaði viðskipti við Kúbu í október 1960, að undanskyldum ákveðnum tegundum matvæla og lyfja. Í apríl 1961 skipulagði hún og framkvæmdi innrás í landið og í febrúar árið eftir bannaði Kennedy öll viðskipti við Kúbu. Síðan þá hefur bannið verið hert. Í umræðum á Allsherjarþingi SÞ sagði Bruno Rodríguez, utanríkisráðherra Kúbu, að tjón af völdum viðskiptabannsins síðustu fimm áratugina mætti meta til “975 þúsund milljóna Bandaríkjadala”, m.a. vegna flókinna viðskiptahátta og lélegra lánamöguleika.

Barak Obama hefur ekkert gert til þess að koma á eðlilegum samskiptum milli  landanna. Öll viðskipti bandarískra dótturfyrirtækja í þriðja landi við Kúbu eru bönnuð. Fyrirtækjum utan Bandaríkjanna er bannað að selja framleiðslu sína til Kúbu ef rekja má hluta innihalds viðkomandi vöru til bandarískrar tækni. Skipum sem komið hafa í kúbanska höfn er bannað að koma til Bandaríkjanna næstu 6 mánuði.

Þvert á móti hugðist ríkisstjórn Obama frysta á síðasta ári 4,2 milljóna dala framlag til Kúbu frá einni af stofnunum Sameinuðu þjóðanna sem ætlað var að til þess að kljást við AIDS, berkla og malaríu og er hluti af aðgerðum í 150 löndum gegn þessum þremur lífshættulegu sjúkdómum. Vegna mikilla mótmæla varð Bandaríkjastjórn að láta af því.

Einstakur dómsúrskurður - einstök ó-réttarhöld

René González, einn „fimmmenninganna fá Kúbu“, var látinn laus eftir 13 ára fangelsisvist í október sl.  Þann 16. september hafði átt sér stað sá einstaki atburður að dómari úrskurðanði að González  skyldi ekki vísað úr landi eins og venja er með menn sem hafa erlendan ríkisborgararétt eða tvöfaldan eins og hann hefur, heldur er honum gert að afplána reynslulausn í Flórida. González á engan ættingja þar og eiginkona hans fær ekki vegabréfsáritun til þess að heimsækja hann frekar en undanfarin ár, meðan hann sat í fangelsi. González er búin að afplána 13 af 15 ára dómi en þarf að halda skilorð i 3 ára áður en hann fær að fara heim.

Félagar González eru enn í bandarískum fangelsum, en þeir fengu allir harða dóma þar í landi fyrir að fylgjast með undirbúningi hryðjuverkaárása á Kúbu og vara við þeim. Eiginkona Gonzáles hefur ekki fengið vegabréfsáritun til Bandaríkjanna og því ekki séð mann sinn í bráðum 15 ár sem hann hefur verið í haldi. Dóttir þeirra Irma González hefur ferðast um og talað máli föður síns. Hún heimsótti Ísland á síðasta ári.

Sjá viðtal í DV 

Sjá viðtal á sjónvarpsstöðinni X-ið

Amnesty Inernational fjallaði um mál fimmmenninganna í ársskýrslu sinni 2011 og hafa samtökin auk fjölmargra málsmetandi aðila gagnrýnt að meðferð mála fimmmenninganna skyldi vera í svo óvinsamlegu umhverfi sem Flórída. Í skýrslunni er fjallað um málið undir yfirskriftinni „Óréttlát réttarhöld“, meðal annars um að bandarísk stjórnvöld greiddu blaðamönnum leynilega fyrir skrif um fimmmenningana sem yrðu til þess að grafa undan málsvörn þeirra.

Vinnu og vináttuferð til Kúbu 18. desember 2011 til 7. janúar 2012

Vináttustofnun þjóðanna á Kúbu hefur skipulagt dagskrá 18. desember 2011 til 7. janúar 2012 fyrir gesti frá Norðurlöndum og Írlandi. Dvalið er í skálum um 40 km utan við Havana, en hópurinn ferðast um síðustu vikuna. Sjá dagskrá (á spænsku - væntanleg á ensku). Tungumálið í búðunum er enska.

Skrár tengdar þessari bloggfærslu:

• conting2011brignordica.doc

Yfirlýsing ráðstefnu norrænna vináttufélaga Kúbu (á ensku)

We, the 22 delegates from Sweden, Norway, Denmark, Finland, Iceland and Ireland at the 23rd Northern European Meeting of Cuba Solidarity organisations, held in Gothenburg 18-19 June, agree to continue denouncing the unjust detention in U.S. prisons of the Five Cuban antiterrorist fighters. The Cuban Five were imprisoned for preventing terrorist actions planned from U.S. territory.

We demand an end to the double standards and hypocrisy of the U.S. government and urge them to immediately release the Cuban Five. Instead they must put the real terrorists in prison. They are the ones who have committed a series of terrorist attacks aimed at Cuba and yet they are free to walk the streets of Miami.

We will not rest until justice is done and the Cuban Five return to their homeland!
Gothenburg, Sweden, June 19th, 2011

Heimilisofbeldi á Kúbu og bakgrunnur kvenna sem fyrir því verða

Hér er nú stödd Clothilde Proveyer, PhD í félagsfræði, sem hefur stundað rannsóknir í kynjafræði við Havanaháskóla. Doktorsverkefni hennar fjallaði um heimilisofbeldi og félagslegan bakgrunn kvenna sem verða fyrir ofbeldi. Hluta námsins stundaði hún í Gautaborg. Hún er í för með eiginmanni sínum sem er nýr sendiherra Kúbu á Íslandi.

Þeir sem vilja fræðast um þetta efni eru velkomnar í spjall á kaffi Haití (í bláu húsunum við gömlu höfnina í Reykjavík) fimmtudaginn 12. maí kl. 17-18.

Fréttabréf VÍK mars 2011 er komið út

Irma González, dóttir eins af "Kúbumönnunum fimm" í viðtali á X-inu.

Skrár tengdar þessari bloggfærslu:

• Fréttabréf VÍK mars 2011

Mál "Kúbumannanna fimm" -- 31. mars 2011

Irma González frá Kúbu talar máli föður síns og fjögurra annarra sem hafa af pólitískum ástæðum hlotið þunga dóma í Bandaríkjunum. Réttarhöldin yfir þeim Gerardo Hernández, Antonio Guerrero, Ramón Labañino, Fernando González og René González hafa verið fordæmd alþjóðlega, en þeir hafa nú setið á tólfta ár í bandarískum fangelsum, sjá umfjöllun hér fyrir neðan. Irma talar einnig máli móður sinnar og annarar konu sem fá ekki að heimsækja eiginmenn sína. Fjölskyldurnar og aðrir stuðningsmenn hafa aflað víðtæks stuðnings, en kunnir talsmenn mannréttinda, stjórnmálamenn og listamenn, þar á meðal Nóbelsverðlaunahafar, hafa hvatt til að mennirnir verði leystir úr haldi.

Irma Gonzales fjallar um málið á opinberum fundi 31. mars kl. 19.30 í sal MÍR, Hverfisgötu 105 í Reykjavík.

Irma González á Youtube: London 2010

Umfjöllun Amnesty

Videó með Danny Glover og áskorun á forseta BNA

Endum óréttlætið, frelsum fimmenningana núna! End the Injustice, Free the 5 now!

 

Smellið hér til að sjá video með Danny Glover og Skrifa undir áskorun til forseta BNA.

http://www.change.org/petitions/view/end_the_injustice_free_the_cuban_5_now

 

Meðal frægra Bandarískra listamanna sem hafa skrifað undir áskoruna eru, Susan Sarandon, Oliver Stone, Martin Sheen, Pete Seeger, Ry Cooder, Bonnie Raitt, Chrissie Hynde, Haskell Wexler, Graham Nash, Jackson Browne, og fleiri.   

 

Hernandez og Glover í USP fangelsinu, Victorville, CA

Penn og del Toro kalla eftir lausn kúbverskra njósnara (mbl.is)

http://mbl.is/mm/folk/frettir/2010/09/17/penn_og_del_toro_kalla_eftir_lausn_kubverskra_njosn/

Norræn vináttuferð til Kúbu

Skipulagðar vinnu- og vináttuferðir á vegum vinuáttufélaga á Norðurlöndum til Kúbu eru farnar árlega, oftast í seinni hluta desember. VÍK skipuleggur ekki slíkar ferðir sérstaklega, en aðstoðar og veitir milligöngu fyrir þá sem hafa áhuga á að fara í ferðina. Athugið að heildarfjöldi þátttakenda í hvert skipti er takmarkaður og þeim sem hafa áhuga á að fara því ráðlagt að hafa samband með góðum fyrirvara.

Dagskrá ferða er kynnt með 2-3 mánaða fyrirvara, en dæmi um dagskrá má skoða með því að smella á linkinn hér fyrir neðan.

Dagskrá vináttuferðar 2010

Stjórn VÍK

Skrár tengdar þessari bloggfærslu:

• Dagskrá vináttuferðar 2010