Söluaðilar flugferða til Kúbu vinna mál gegn Floridafylki

Bandaríska fylkið Florida ákvað í fyrra að krefja ferðastkrifstofur sem selja flugferðir til Kúbu um 250.000 dala veð og 25.000 dala skráningargjald. Lögin tóku ekki gildi þar sem ferðaskrifstofurnar fóru í mál við fylkið og hafa þau nú verið dæmt ógild (sjá Miami Herald). Í dómnum, sem var kveðinn upp 14. apríl, leiðir dómarinn að því líkum að féð hafi átt að nota til þess að setja ferðaskrifstofur undir smásjá. Í fyrra var kveðinn upp annar dómur sem varðaði bann við ferðum til Kúbu, þ.e.a.s. ferðum námsfólks, kennara og annarra sem stunda rannsóknir við háskóla á vegum fylkisins og bæjarfélaga. Bannið var einnig dæmt ógilt.
Daginn áður hafði Obama Bandaríkjaforseti mildað höft á ferðir bandarískra borgara til Kúbu, þ.e.a.s. þeirra sem eiga ættingja á Kúbu. Þeir mega nú einnig senda ættingjum sínum nær ómælt fé. Almennt ferðabann til Kúbu er óbreytt. Sjá einnig síðustu færslu.